Xaflad lagu taageerayo gudoomiyaha cusub ee baarlamaanka Soomaaliya Prof. Maxamed Sh. Cismaan Jawaari ayaa lagu qabtay gobolka Minnesota. Waxaa kasoo qeybgalay qeybaha kala duwan ee bulshada.

Waxaa laga hadlay taariikhda Prof. Jawaari gaar ahaan qibrada uu u leeyahay howlaha maamulka dowlada. Waxaa la isku raacay in uu yahay nin kasoo bixi kara mas’uuliyada loo dhiibtay.

Prof. Jawaari wuxuu dhawaan ku guuleystay doorashada gudoomiyaha baarlamaanka. Waa doorashadii ugu horeysay ee nooceeda ah ee dhacda 40 sano ka badan.

Prof. Jaawaari waa aqoonyahan. Wuxuu jagooyin kala duwan kasoo qabtay dowladii Kacaanka. Wuxuu gudoomiye u ahaa gudigii qoray dastuurka cusub ee Soomaaliya.